{ SKIP }
文:MenClub 魏文青  
POSTED ON 09 Jul 2017
喺《攻殼機動隊》嘅世界入面,每一個人或多或少都會裝上機械義肢,可能係為咗彌補身體缺憾,亦有可能只係想加強自己嘅身體能力。現實中嘅「義肢」目前都只係傷殘人士用黎協助日常生活嘅工具,但有位英國學生就推出咗一隻專為健全人士而用嘅「機械手指」,係咪代表「機械義肢」整將盛行?


Dani Clode係一名就讀於倫敦皇家藝術學院(RCA)嘅學生,佢推出嘅「第三指公(The Third Thumb)」顧名思義,就係指一隻以3D打印製作,再以電子驅動嘅「外置指公」。Dani就指佢想帶出嘅係「Prosthesis(義肢嘅英文)」本義其實係指「額外」,而唔係「更換」,所以「義肢」亦唔應該居限於彌補身體缺憾,而應該作為身體嘅延伸。

「第三指公」以膠帶綁於手掌外側,再接駁至戴喺手腕上嘅驅動系動,而壓力感應控制器就裝喺使用者嘅鞋入面,只要使用者施力於感應器上,就會透過藍芽控制「第三指公」做出「收緊」嘅動作。聽落就好似唔容易,但Dani就話其實同你揸車要控住個軚同時又踩緊油門逼力一樣。


咁好明顯多一隻手指公就唔會突然令你嘅生活質素突飛猛進,某程度上其實都幾無謂,但「第三指公」就帶出咗一個好正面嘅幻想。假如「額外義肢」呢個概念真係為大眾所接受,又有更多不同款式、功能嘅義肢出現,或者我哋嘅未來就真係好《攻殼機動隊》咁啦。
daniclodedesign
自Blue Origin及Virgin Galactic於過去兩年分別成功載人上太空後,「商業太空旅行」就由小說情節,成為現實中可行嘅體驗不過,當然係只限有錢人體驗啦。而睇黎有錢人已經唔滿足於「飛上去望下個地球就落返黎」,而係 ...
tech
【太空】真 ‧ 離地餐廳 400萬上太空 望住地球食米芝蓮
28 Mar 2024
若然消息屬實,iPhone 16 Pro機身側邊將加入一個全新按鍵「Capture button」,大小與電源鍵差唔多,能方便用戶拍攝及錄影。
tech
【科技】疑似iPhone 16 Pro保護殼曝光!機身側邊加入全新「拍攝」按鍵?
27 Mar 2024