{ SKIP }
文:士昆素  
POSTED ON 11 Jul 2017

Photos: Mark Stone/University of Washington

「呢嚿無殼嘅深綠色一片嘢,你同我講佢係電話?不如你同我講,拎住呢嚿嘢對住提款機,部機會自動噴銀紙出嚟!!」 

美國華盛頓大學(University of Washington)研究團隊,最近發表「無電池手機」,所謂無電池,係指部機冇傳統手機嘅電池,唔使成日拮住「尿袋」或駁住USB線攞電咁煩。




開發團隊


「無電池手機」從用家身邊嘅無線電訊號同燈光,轉化成電能,儲存喺手機上嘅微型太陽能電池(約一粒米嘅大小)。呢部「無電池手機」僅需要3.5微瓦電力,而且支援Skype call,方便用家聯絡固網電話用戶。




「無電池手機」仍處於研究開發階段,有唔少局限。

例如電池電量有限,用家所處位置唔可以離手機網絡基站太遠,目前測試嘅距離,約為50尺,即約15米。

另外,通話時需按住通話掣,有啲似用Walkie-talkie,唔夠方便喎。

仲有,連團隊自己都話,今日嘅手提電話,有幾何真係用嚟打電話吖。

不過,團隊呢項原型設計,的確提供到一啲頭緒同方向,唔用電池嘅手機可以點樣設計。

希望出到iPhone 20嗰陣,唔使用電池就好。


年近歲晚,又差唔多係時候大掃除,送舊迎新。大家高高興興換新電腦新筆電時,又有冇諗過舊機嘅下場呢?回收再造當然更好,而Dell仲搵埋《吸血新世紀2:新月傳奇》女演員Nikki Reed合作,將重煉嘅金屬設計一系列首飾 ...
tech
毒L的愛 Dell將電腦零件回收重鍊成金飾
18 Jan 2018
騙徒手法層出不窮,最奇怪係,WhatsApp唔少假訊息既不為騙財亦不為騙色,果啲「十種功效神奇的防癌食物」、「請轉發代禱籌款」云云,明顯係欺騙緊人嘅智慧,但偏偏又有唔少老友meme成日轉發。有傳WhatsApp正在測試新 ...
tech
傳WhatsApp測試向垃圾訊息發出警告
17 Jan 2018