Photos: Sunrise Japan/〜ミスター味っ子＆将太の寿司〜寺沢大介画業３０+1周年記念原画展fb

2K解像度藍光碟（Blu Ray）實在濕濕碎，但對於一齣80年代中晚期首播嘅日本動畫，喺30年後嘅今日有Remastered高清版本買返屋企，實在值得高興，更何況係好受歡迎嘅《伙頭智多星》（ミスター味っ子）。

《伙頭智多星》fans都知，全套動畫有99集，今次推出由Sunrise推出口嘅Blu Ray Box分兩部份，頭50集包括8隻Blu Ray，11月2日發售，賣49,800日圓；之後嗰49集嘅Blu Ray碟數量同售價均與首輪相同，2018年2月2日發售。

講明先，成套碟冇字幕，日語對白。

如果你一心諗住重溫香港配音員嘅精彩聲演（例如由源家祥配音嘅「味皇」村田源二郎：「好好味呀！！」），咁就唔好意思嘞。

不過，對一班喺呢30年經常重溫，「翻煲」煲到VHS帶都幾乎斷埋嘅死忠粉絲，句句對白都滾瓜爛熟，雖然冇咗廣東話嘅震撼力，但有高清畫面，一樣咁值得買。

作者寺沢大介