{ SKIP }
文:士昆素  
POSTED ON 09 Aug 2017

Photos: DoT.

一講到「Hand Carry細喼」上機,實有人無名火起。

部份原因可能係:「有啲友呀,買鬼死咁多嘢,塞到個喼又勁重,人又虧,手軟腳軟,冇力托上行李架,幾乎成個喼跣落我膊頭,想收埋人命咩!」

另一啲又話:「佢嗰個望極都唔似Hand Carry細喼囉,唔知啲航空公司同安檢點解肯畀佢入閘。」 

都係嗰句,識得自律嘅人愈嚟愈少,自以為係遊走灰色地帶嘅專家就愈來愈多。





其實,短trip拎個細喼,唔使寄倉,唔使等行李,真係爽好多,所以細喼不乏fans,應該話,擁躉愈來愈多先啱。 

日本Softbank屬下嘅DoT.,以日本旅行喼製造商Proteca嘅MAXPASS系列為開發基礎,推出MAXPASS SMART。佢長51cm、闊39cm、高25cm,淨重3.5kg,容量39公升,夠放13吋Notebook電腦,對應日本國內、國外100座位或以上載客量嘅客機。





所謂SMART,梗係唔識得幫你掘比特幣啦。其實只係喼內設有「尿袋」(USB充電池)同TrackR Bravo追蹤器。



先講「尿袋」,內有5000mAh鋰離子聚合物電池,廠方話足夠「餵飽」目前大部份手機兩次,電池連接住可伸縮嘅100 cm USB充電線(附有Lightning轉換插頭),鍾意坐定定喺度充又得,一路行一路充亦可。電池可以獨立拆走,既適合唔同類型用家要求,亦能畀用家拆出電池,接受機場安檢。




另外,喼內設有TrackR藍牙追蹤器,只要預先做咗配對同啟動手機藍牙功能,系統就會監察手機與喼內追蹤器之間嘅距離,當系統發現兩者之間已超逾安全距離,行李喼即發出響號,而手機亦有響號,提醒用家。



Proteca品牌強調「Made in Japan」,MAXPASS SMART都冇例外,66000日圓,即約$4700港元,貴定抵買,你心中有數啦。







經過iPhone X輕輕一推之後,全屏幕突然成為炙手可熱嘅潮流,一時之間部部機都以全屏幕做賣點咁。就喺iPhone X開售前,小米宣布喺香港推出全新手機MIX 2,主力賣5.99吋全屏幕,仲將前鏡頭改到機身下方,冇咗M字額問題 ...
tech
又係無邊巨芒?小米MIX 2玩6吋全屏幕
23 Oct 2017
iPhone X 新功能多籮籮,其中一項係可以將Emoji配合人臉辨識技術,變成同你一樣表情曉郁甚至有埋聲嘅Animoji。呢個新玩法聽落好創新又生鬼,但一間日本公司Emonster就向美國法院入稟,聲稱擁有Animoji商標,控告Appl ...
tech
【App有相似?】日本「Animoji」App 入稟控Apple侵權
23 Oct 2017