室內用空氣清新機係日本電器品牌近年一款暢銷產品，無論係日本本土、香港、台灣、新加坡、曼谷都係。無它嘅，空氣污糟嘛。

室內用空氣清新機去到目前嘅進展唔大，除咗幾年前嘅「nanoe」及其進化版本，就見唔到有乜新技術。Panasonic啱啱推出咗以「次氯酸」（HClO）為清潔媒介嘅新款空氣清新機。

「次氯酸」其實同漂白水嘅「次氯酸鈉」（NaClO）有啲相似，殺菌能力都好強，尤其係大腸桿菌、結核菌、芽孢菌、沙門氏菌等，不過，「次氯酸」唔會腐蝕人體皮膚或金屬，而且，只要份量輕微，幾近完全冇味，唔會好似漂白水咁難頂。

Panasonic以鹽餅同水，再經空氣清新機內嘅電解棒，製成「次氯酸」，吹到機外，達到殺菌效果，機內嘅濾網裝拆好方便。鹽餅每三日更換一粒，要定時換水，煩就類咗啲，但係殺菌效果幾好。暫時只得日本版，相信遲啲會有出口嘅。