{ SKIP }

POSTED ON 18 Aug 2017

文:MenClub 路兒

早前LG公佈8月31日將會在德國柏林IFA舉行發佈會,預計屆時會發表新一代旗艦機V30。話口未完,網上已經流出晒新機規格同諜照任睇。暫時照現階段消息嚟睇,新機外表與G6相似,但就一反以往V系列傳統,飛甩第二屏幕(其實幾好用喎喂),仲加入新奇又好玩嘅聲音解鎖功能。



網上著名爆料大神Evan Blass日前發佈了聲稱是LG V30的機身產品照,由照片可見,機身設計與G6有八九成相似,機身似乎換成金屬,後鏡頭及指紋解鎖位置也未有轉換。據知新機會配備6吋OLED大屏幕,但屏幕比例就會同G6一樣沿用2:1,即係唔會因為芒大而太闊,Keep住好揸手。

另外,官方消息指新機除了指紋解鎖外,亦會加入面孔解鎖及聲音解鎖功能;而且唔使開著個屏幕,直接拎起部機就可以立即解鎖咁話。至於聲音解鎖,即係用戶預先錄定一句短句,就可以用嚟比對聲紋開鎖。件事更加令人充滿遐想,試想像,你搭緊地鐵,前方一名長髮女生拎起部手機,深深吸一口氣,細細聲對部機嗌一句:「呀!___!」幾有畫面。粗口都有畫面。



新機飛甩第二屏幕,取而代之的就是屏幕上滑動式的快捷列,喺個芒上一掃,就可以搵到App,用完就掃走,聽落有啲似iPhone嘅小圓點。Always-on屏幕則會進一步加強,除咗睇時間,仲可以開啟快捷工具、音樂以至相片。
自Blue Origin及Virgin Galactic於過去兩年分別成功載人上太空後,「商業太空旅行」就由小說情節,成為現實中可行嘅體驗不過,當然係只限有錢人體驗啦。而睇黎有錢人已經唔滿足於「飛上去望下個地球就落返黎」,而係 ...
tech
【太空】真 ‧ 離地餐廳 400萬上太空 望住地球食米芝蓮
28 Mar 2024
若然消息屬實,iPhone 16 Pro機身側邊將加入一個全新按鍵「Capture button」,大小與電源鍵差唔多,能方便用戶拍攝及錄影。
tech
【科技】疑似iPhone 16 Pro保護殼曝光!機身側邊加入全新「拍攝」按鍵?
27 Mar 2024