{ SKIP }
文:MenClub 魏文青  
POSTED ON 22 Aug 2017
如果只以科技層面黎講,行全電、好舒服、性能表現又唔差嘅Tesla其實都真係好值得尊重。問題係揸得車嘅同拍拖一樣,好多時都係睇感覺,而Tesla最為人「詬病」嘅就係佢嘅駕駛感似打機,冇咗一眾車主追求「車人合一」嘅感覺。所以我識得好多朋友直頭唔當Tesla係一架「車」。不過你話佢冇Feel還冇Feel,如果真係踩落去,佢嘅表現分分鐘勁過一眾超跑。外國有網站就試咗兩場Tesla對Lamborghini嘅四份一里直線加速賽,結果Tesla贏哂!


首先介紹下雙方參賽者,第一場Tesla方面就派出2016年新出嘅Model S P100D,擁有503匹+259匹兩個摩打分別推動前後輪;而林寶方面就派出當代「細牛」Huracan,V10 5.2L引擎、602匹馬力、412 ft lb峰值扭力、四輪驅動。兩者於直線加速賽場上起步之後,Model S率先彈出,最多贏成兩三個車位,到後段Huracan縮窄差距,但始終未能追上,最後Model S以0.922秒勝出。
Model S 對 Huracan

第二埸就係由Model X P100D對上「大牛」Aventador,Model X乃係一台SUV,重5400磅,雖然都係有雙摩打、總共588匹馬力、920Ft lb 峰值扭力,但同有V12 6.5L引擎、750匹馬力嘅「大牛」比,睇落都真係唔係同一個水平嘅比併。但最後嘅結果都係Tesla贏咗,以0.05秒之差跑贏!
Model X 對 Aventador

Tesla之所以咁快,主要原因係因為電力摩打嘅峰值扭力(簡單啲理解就係推動架車向前嘅力)幾乎係一開著就有,相反傳統引擎嘅峰值扭力就需要些少時間(引擎到達某一個轉數)先可以達到。所以如果只論加速力,電力摩打係有先天優勢,尤其係Tesla換上10kWh電池(即係P100D Model)之後,加速性能再進一步提升。其中Model S P100D 0-100km/h只需2.5秒,比起LaFerrari(少於3秒)、Porsche 918(Spyder版2.6秒)等天價混能超跑仲要快,就連SUV嘅Model X P100D都只係需要2.9秒。所以於直線加速賽勝出,其實都幾合理。
Ferrari La Ferrari


Porsche 918


當然,如果繼續跑落去,以一眾超跑嘅極速,最後都會超過Tesla;如果講到過彎、制動等性能,Tesla亦唔會同超跑們企喺同一個水平;講到駕駛樂趣,佢更加冇辦法令大家感受到有幾百匹野馬於引擎蓋下咆哮奔騰嘅快感。不過作為一件機器,Tesla今次嘅表現都應該會令大家另眼相看啦…掛?
自Blue Origin及Virgin Galactic於過去兩年分別成功載人上太空後,「商業太空旅行」就由小說情節,成為現實中可行嘅體驗不過,當然係只限有錢人體驗啦。而睇黎有錢人已經唔滿足於「飛上去望下個地球就落返黎」,而係 ...
tech
【太空】真 ‧ 離地餐廳 400萬上太空 望住地球食米芝蓮
28 Mar 2024
若然消息屬實,iPhone 16 Pro機身側邊將加入一個全新按鍵「Capture button」,大小與電源鍵差唔多,能方便用戶拍攝及錄影。
tech
【科技】疑似iPhone 16 Pro保護殼曝光!機身側邊加入全新「拍攝」按鍵?
27 Mar 2024