{ SKIP }
文:MenClub 路兒  圖:互聯網
POSTED ON 25 Sep 2017
呢排大家都好緊張,啲手機兩面都係玻璃,跌起上嚟咪好易爆?嗱用套先安全呢個係定劣嚟架嘛係咪,但明嘅係男人都唔鍾意用套嘅,加個套邊有Feel……部機緊係要裸跑先靚仔啦。咁襟唔襟跌?邊部襟跌啲?唔好用自己果部試啦,睇外國實測啦。

YouTuber David Rahimi就嘗試由背面、角落、正面三個角度,分別為iPhone 8 PlusGalaxy Note 8進行連串跌落測試。雖之條片開頭都有為手機套賣一賣廣告,但睇住部機高貴地飛身躺下,都係有種出咗的爽快感,出咗口氣。


背面著地時,兩者打成平手,齊齊出現蜘蛛紋。


角落著地測試都係iPhone 8 Plus襟撞啲。


嚟到正面著陸測試,iPhone 8 Plus有近四分一面積碎裂,但Note 8就近乎完好無缺,David Rahimi估計係屏幕弧邊消減落地時嘅撞擊力。


嫌唔夠喉?David Rahimi索性增加高度,整多個10連跌測試畀兩部機,又估吓結果係點?


Note 8順利通過10連跌測試,屏幕依然運作得到,可以話冇乜大損毀添,係相機用唔到啫。


iPhone 8 Plus就慘不忍睹,去到第五次測試已經跌到機背成塊玻璃飛出嚟,第八跌後屏幕已經冇乜大反應,未能通過全部10連跌測試;不過正常用家唔會跌10次......掛?
自Blue Origin及Virgin Galactic於過去兩年分別成功載人上太空後,「商業太空旅行」就由小說情節,成為現實中可行嘅體驗不過,當然係只限有錢人體驗啦。而睇黎有錢人已經唔滿足於「飛上去望下個地球就落返黎」,而係 ...
tech
【太空】真 ‧ 離地餐廳 400萬上太空 望住地球食米芝蓮
28 Mar 2024
若然消息屬實,iPhone 16 Pro機身側邊將加入一個全新按鍵「Capture button」,大小與電源鍵差唔多,能方便用戶拍攝及錄影。
tech
【科技】疑似iPhone 16 Pro保護殼曝光!機身側邊加入全新「拍攝」按鍵?
27 Mar 2024