{ SKIP }
文:MenClub 路兒  圖:互聯網
POSTED ON 06 Oct 2017

小明跑得快過架火箭,點解?大概小明係Flash,因為Elon Musk話佢旗下架火箭BFR時速有成27,000公里,由香港去倫敦都不過係34分鐘。丫,講漏咗,「BFR」係「Big Fxxking Rocket」咁解。

Elon Musk野心勃勃,旗下Space X太空科技公司已經唔係講緊整火箭咁簡單,而係計畫2024年將火星變做人類嘅殖民地!聽落就離_晒地,但佢喺早前嘅演講就提到,火箭既然上得到月球同火星,都一樣可以當普通交通工具飛去地球另一邊架啫,咁樣夠貼地未?

話晒係火箭,BFR講緊係飛地球任何地方都唔使一個鐘,大部分城市都喺半個鐘以內,創造比膠鐵更快嘅地球一小時生活圈。BFR最高時速可達27,000公里,不過喺地球飛大約只需時速11,265公里(7,000英里)。即係幾快?即係香港去新加坡即需22分鐘,倫敦去紐約29分鐘,紐約去東京37分鐘,遠至由悉尼去倫敦都係51分鐘。

Elon Musk仲賣大包,話BFR收費大概「同一般經濟客位機票一樣」,每架大概坐100人。賣到咁平,希望佢到時唔好超賣或者臨時取消航班啦。又,假設真係飛得成,咁高速飛行唔知到時啲乘客頂唔頂得順?
來源:Telegraph

智能手機及VR部門整合成同一組,據指美國辦公室有近一百名員工被裁走。
tech
【業務重整?】HTC美國手機及VR部門整合大幅裁員
22 Feb 2018
加入花椒、苦艾酒等辛烈氣味,係咪想切合返北方同胞嗜辣口味呢?
tech
《刺客教條》限量版香水 大陸發售被諷「調味料」?
21 Feb 2018