{ SKIP }
文:MenClub 路兒  圖:互聯網
POSTED ON 16 Oct 2017
大陸手機廠OnePlus早前被爆未經用戶同意下私自收集用戶數據,事件引起公眾強烈迴響,喂私隱無價呀。OnePlus創辦人之一裴宇亦旋即喺官方論壇上發文回應,話收集資料係行內標準做法,不過都決定停止收集部分敏感數據,又強調冇同第三方機構分享資料。
裴宇喺文中解釋,收集資料係行內標準做法,不過明白用戶想有知情權同了解資料點收集。佢指OnePlus透過OxygenOS,收集使用數據及裝置資料兩類數據。今次OnePlus未經用戶同意就記錄用戶活動,侵犯私隱;公司話十月前會改為主動彈出提示,詢問用戶係咪選擇「加入用戶體驗服務」,如果揀否,咁就唔會上傳裝置數據;而用戶亦可以透過設定睇到手機上傳咗啲咩數據。OnePlus亦指決定停止收集手機號碼、MAC地址同Wi-Fi資料。換言之,如果用戶同意,OnePlus仍然會收集手機使用數據如屏幕解鎖、App活動等等。
裴宇又強調,所有資料都保密,未有分享予第三方機構,收集嘅目的係改善OxygenOS體驗及提供售後支援服務。不過都係果句:私隱無價,要識得保護自己呀!

來源:OnePlus

相關文章:【信唔過?】OnePlus被爆私自收集用戶數據

自Blue Origin及Virgin Galactic於過去兩年分別成功載人上太空後,「商業太空旅行」就由小說情節,成為現實中可行嘅體驗不過,當然係只限有錢人體驗啦。而睇黎有錢人已經唔滿足於「飛上去望下個地球就落返黎」,而係 ...
tech
【太空】真 ‧ 離地餐廳 400萬上太空 望住地球食米芝蓮
28 Mar 2024
若然消息屬實,iPhone 16 Pro機身側邊將加入一個全新按鍵「Capture button」,大小與電源鍵差唔多,能方便用戶拍攝及錄影。
tech
【科技】疑似iPhone 16 Pro保護殼曝光!機身側邊加入全新「拍攝」按鍵?
27 Mar 2024