{ SKIP }
文:MenClub 路兒  
POSTED ON 06 Nov 2017
之前iPhone 8推出時,曾經有一輪「爆機潮」,話部機一跌就碎。今回iPhone X又點呢?雖之成皮嘢一部機,都依然有傻仔……I mean專業人士,抱住求真嘅精神,將佢狠狠地扔落地、用刀刮、用火燒,用盡各種殘酷方法進行測試,結果……iPhone X竟然絲毫無損?
YouTuber EverythingApplePro就發布咗一條片,對iPhone 8iPhone X進行跌落測試。佢首輪係幫兩部機戴住套,將部機跌落地;發覺無受損後索性除埋套,分別喺腰間及頭部兩個不同高度,每個高度都以背面、側面同正面三種角度跌落,去測試兩部機有幾襟跌。

腰間高度模擬緊褲袋跌電話,情況可能幾常見,結果兩部機都順利通過測試,冇乜大傷。

但去到頭部高度,模擬講電話跣手跌機時,iPhone 8機背就應聲碎裂;咁iPhone X呢?神奇地乜事都冇,只係少少刮花,果然一如Apple所言,係「歷來最堅固耐用」嘅玻璃,邊框不鏽鋼亦起到保護作用。只不過,經過連串跌撞後,Face ID最後都係失靈,用唔到嘅。

另一邊廂,YouTuber JerryRigEverything就拎部機又刮又燒,測試iPhone X嘅耐用程度。佢首先用鑽頭、銀幣甚至刀片等等去刮手機表面,發現iPhone X嘅耐刮程度達到莫氏指標6級,基本上畀鎖匙同硬幣刮都唔會花;就連鏡頭同邊框都刮唔花。

跟住佢嘗試用火機去燒,結果?係燒唔壞嘅,依然可以正常運作,係個芒有少少燒過嘅痕跡。最後佢仲測試徒手折彎部iPhone X,結果又係拗唔彎啦。當然以上方法可能都不夠科學,都係參考參考啫。
加入花椒、苦艾酒等辛烈氣味,係咪想切合返北方同胞嗜辣口味呢?
tech
《刺客教條》限量版香水 大陸發售被諷「調味料」?
21 Feb 2018
踏入狗年,終於告一段落,由高等法院頒布清盤令,正式為樂視畫上句號。
tech
樂視被頒令清盤 樂視體育獨立營運
21 Feb 2018