{ SKIP }
文:MenClub 路兒  圖:互聯網
POSTED ON 10 Nov 2017
夏威夷出名位處多火山,當中唔少更加係活火山,不時會爆發,溶岩溫度可達攝氏五百至一千度,唔好話血肉之軀會受傷,相信地表之上都冇幾多物質可以抵受得住。但一部頑強嘅GoPro就成功「生還」,仲全程拍低晒溶岩淹至嘅過程,呢條紀錄片震撼到一個點。

夏威夷火山觀光團導遊Erik Storm16個月前帶團時,遇到火山爆發,佢走避嘅時候,忽發奇想,將部GoPro放入岩石間的隙縫中,打算拍低溶岩流過嘅壯麗之情。GoPro完完全全被溶岩淹沒,Erik Storm以為一定渣都冇得剩啦,但佢依然抱住一絲希望,等溶岩冷卻後返回現場,用岩石鎚開火山岩,竟然真係搵得返部GoPro。見到部機雖然燒到燶晒,但機身大致原好,鏡頭無嚴重損毀,認真強勁。

佢仲發現,部機其實仲用得,可以正常操作,係比之前冇咁順囉。而佢最近亦向傳媒公開喺SD卡度拎返嘅片段,包括GoPro冒住「生命」危險、以第一身角度拍低嘅溶岩吞噬一刻,直頭好似睇戲咁(係低清少少)。高溫岩漿都唔驚,GoPro咪仲勁過Nokia?

來源:Petapixel

加入花椒、苦艾酒等辛烈氣味,係咪想切合返北方同胞嗜辣口味呢?
tech
《刺客教條》限量版香水 大陸發售被諷「調味料」?
21 Feb 2018
踏入狗年,終於告一段落,由高等法院頒布清盤令,正式為樂視畫上句號。
tech
樂視被頒令清盤 樂視體育獨立營運
21 Feb 2018