{ SKIP }
文:MenClub 路兒  圖:互聯網
POSTED ON 07 Dec 2017
揸電單車嘅鐵騎士可能多少都遇過搵路疑難,導航嘅路未必條條都真正啱26揸,去到台灣、日本等情況尤其嚴重。Google最近終於的起心肝,為地圖新增電單車導航模式,幫電單車駕駛者規劃最快捷兼合適嘅路線。

Google最新版本地圖加入電單車導航模式(Two-wheeler Mode),隨住Android Oreo Go率先登陸印度,隨後數月會陸續擴至全球其他市場。喺印度以至世界唔少地方,都有啲公路係電單車受限制不能夠行駛,亦有啲道路喺專為電單車而設。有別於一般46汽車導航,電單車導航會按路徑數據同電單車速度,計算實際上適合電單車行走嘅最快路線,避開26行唔到嘅山路呀、高速公路等等。導航亦會顯示主要地標,方便鐵騎士開車前清楚了解條路點樣揸,唔使keep住查地圖。

此外,新版本Google地圖亦加入偵測泊位功能,可以睇到附近邊度有車位同使用情況。遇到改路或封路的話,都會顯示出嚟。可惜新版本目前只開放予印度市場,香港用家畀啲耐性再等等先啦。

來源:Google

今晚唔講女,但講一件同樣可能影響大家下半身幸福嘅事。
tech
「網絡中立」被打破 以後睇Pornhub要收錢?
15 Dec 2017
早前SEGA Games宣布,將會以旗下RPG遊戲《真・女神轉生》為藍本,開發手機遊戲《D×2 真・女神轉生 Liberation》,繁中版遊戲預定本月底開始香港地區封測,將惡魔以3DCG形式重現於手機上,未來更計畫加入AR功能, ...
tech
SEGA手遊新作《真‧女神轉生》 AR召見惡魔
15 Dec 2017