{ SKIP }
文:MenClub 路兒  圖:互聯網
POSTED ON 09 Jan 2018

講起VR,大家可能會諗起「戴住個好重嘅頭罩」、「睇手機芒」、「哪有錢___」等關聯詞,不過今次Oculus就聯同小米打破大家舊有嘅迷思,合作推出全新VR裝置,國際版係去年10月發布嘅「Oculus Go」,而大陸版就叫「小米VR一體機」

喺美國消費電子展(CES),Oculus宣布小米會成為Oculus Go嘅「硬件夥伴」,意味住部機會交由小米生產;另外小米會獨立推出一款「小米VR一體機」,只會喺中國大陸市場發售。兩款機都係「一體機」,唔使額外連接手機或者PC,而係利用Oculus底層技術,就可以睇到VR內容,創新得嚟又方便。

兩款VR裝置嘅設計同規格基本上一模一樣,配備Qualcomm Snapdragon 821處理器、Fast-Switch 2K LCD屏幕,仲內置埋全景聲耳機,同時都有3.5mm耳機插口。最大分別就係VR內容由Facebook提供,小米VR一體機就會由小米自己「為中國用戶度身訂造」,號稱會「同時兼容小米VR內容及Oculus平台的VR內容」咁話。

Oculus Go預計今年初喺全球上市,定價199美元(約1,550港元);小米VR一體機嘅上市日期同定價則有待公布。今次Oculus同小米合作,唔少人歸功於Facebook虛擬實境副總裁、Oculus負責人Hugo Barra,皆因佢之前曾任小米全球副總裁,對於今次合作,佢就形容:「Oculus Go和小米VR一體機實現了介於手機VR和PC VR之間的全新VR一體機類別中的首個突破。我們相信,這款一體機是體驗VR最簡單的方式。」


自Blue Origin及Virgin Galactic於過去兩年分別成功載人上太空後,「商業太空旅行」就由小說情節,成為現實中可行嘅體驗不過,當然係只限有錢人體驗啦。而睇黎有錢人已經唔滿足於「飛上去望下個地球就落返黎」,而係 ...
tech
【太空】真 ‧ 離地餐廳 400萬上太空 望住地球食米芝蓮
28 Mar 2024
若然消息屬實,iPhone 16 Pro機身側邊將加入一個全新按鍵「Capture button」,大小與電源鍵差唔多,能方便用戶拍攝及錄影。
tech
【科技】疑似iPhone 16 Pro保護殼曝光!機身側邊加入全新「拍攝」按鍵?
27 Mar 2024