{ SKIP }
文:MenClub 路兒  圖:互聯網
POSTED ON 22 Jan 2018

都市傳說手機有幅射,又話對得多會致癌,又話放褲袋會影響精力云云,聽得多都覺得係騙局。之但係,部分歐美國家就認為手機幅實對健康有害,例如加州公共衛生署上月就發布指引,提醒市民如何減低手機幅射嘅危害—例如瞓覺唔好放部手機喺隔離。

美國加州公共衛生署公布一份題為《如何減少受手機幅射影響》(How to Reduce Exposure to Radiofrequency Energy from Cell Phones)的指引,裡面提到當手機與訊號塔連繫收發訊號時,會釋放電磁幅射,亦即射頻(radiofrequency);使用Wi-Fi或藍牙時,亦會釋放出射頻,只係幅度較低。換言之,即使手機並非使用中,只要開緊機有訊號,就會釋放幅射,除非手機已關機、開啟飛行模式或完全無訊號啦。

指引中提到,不少科學研究證實長期密集使用手機,所釋放的射頻會影響記憶、聽覺和睡眠,甚至引致腦癌、聽覺和唾液神經受損,以及男人最怕—精子數量下降和精子不活躍等等。

該署建議,為減低射頻影響,最好將手機遠離身體,例如使用免提裝置講電話、發短訊代替打電話、下載或串流檔案時將手機遠離身體,以及避免將手機放置於褲袋、胸袋或腰間。瞓覺緊時候唔好將部手機放喺頭或床附近,講完電話亦最好拎走藍牙耳機。另外,當手機訊號較弱或者喺高速移動嘅交通工具時,釋放嘅射頻量亦更高,所以建議用戶盡量避免喺呢啲情況下講電話。

來源:CaliforniaDepartment of PublicHealth
自Blue Origin及Virgin Galactic於過去兩年分別成功載人上太空後,「商業太空旅行」就由小說情節,成為現實中可行嘅體驗不過,當然係只限有錢人體驗啦。而睇黎有錢人已經唔滿足於「飛上去望下個地球就落返黎」,而係 ...
tech
【太空】真 ‧ 離地餐廳 400萬上太空 望住地球食米芝蓮
28 Mar 2024
若然消息屬實,iPhone 16 Pro機身側邊將加入一個全新按鍵「Capture button」,大小與電源鍵差唔多,能方便用戶拍攝及錄影。
tech
【科技】疑似iPhone 16 Pro保護殼曝光!機身側邊加入全新「拍攝」按鍵?
27 Mar 2024