{ SKIP }
文:MenClub 路兒  圖:互聯網
POSTED ON 29 Mar 2018

Facebook擅用私隱資料風波持續惡化,公司被揭發由Android裝置擅取數據,惹起公憤。Facebook急急宣布,將私隱設定重新整理成單一頁面,令用戶更易找到,又推出全新私隱工具「獲取個人資料」,等大家自行管理個人資料咁話。

最近Facebook宣布將會推出全新工具「獲取個人資料」(Access Your Information),畀用戶了解同管理自己嘅個人資料,例如帖子、讚好、回應以及搜尋紀錄。用戶可以隨時刪除資料,等紀錄唔再喺Facebook生活時報或個人檔案上出現,Facebook就唔會「使用及傳送」呢啲資料。

另一項「下載個人資料」(Download Your Information)工具就畀用戶用戶可以下載返曾經在Facebook上分享的數據,包括相片、通訊錄、帖文等等,亦有權將資料轉移至其他服務,唔留喺Facebook。呢兩項工具預計會於未來數周推出,官方又預告更新用戶數據政策,以及就使用條款及細則更新提出建議。

原本Facebook亦有廣告偏好、雙重認證登入、內容權限管理等私隱設定,不過就分散喺N個子頁面入面,要逐一分別設定都唔容易。依家Facebook就將之整合歸一,成為單一頁面,方便管理。以廣告偏好為例,用戶可以管理返自己喺邊啲廣告商嘅名單上、Facebook又會根據咩資料類別同興趣偏好向你顯示廣告等等。喺「你的資料」之下中仲有項「你的類別」,詳列你所用嘅手機型號、電腦系統,甚至朋友係咪鍾意睇足球等資料,聲稱「幫助廣告客戶接觸最可能對他們商品、服務和事業感興趣的用戶」,唔想資料繼續向廣告商顯示的話就剔除相關類別啦。

推動Elon Musk「超高速管道列車」(Hyperloop)概念成真嘅Hyperloop Transportation Technologies(HyperloopTT),近日宣布與中國銅仁交旅集團簽署首份Hyperloop列車路線協議,並會落戶貴州省銅仁市,而項目前期雙方會 ...
tech
中國首條超級高鐵Hyperloop登陸貴州
22 Jul 2018
全屏幕手機睇到悶?咁呢部機就啱你喇!BlackBerry將會喺7月底於香港及澳門推出最新手機BlackBerry KEY2,KEY2保留咗BlackBerry最具代表性嘅實體鍵盤,亦首次加入1200萬像素後置雙鏡頭,最重要係手機電池續航力長達兩 ...
tech
【經典鍵盤機】BlackBerry KEY2七月底推出 有雙鏡頭、兩日續航電力 ...
20 Jul 2018