Android用家要留意！嚟自卡巴斯基實驗室(Kaspersky Lab)嘅研究人員最近發表一篇分析報告，內容指名為「ZooPark」嘅惡意軟件，幾乎可以偷取所有Andriod智能電話中應用程式嘅密碼、圖片、影片、熒幕截圖及數據。根據卡巴斯基實驗室資料，「ZooPark」目前針對中東地區嘅Android手機，有旅遊及工作需要到中東地區就要小心。

卡巴斯基實驗室指出，惡意軟件「ZooPark」已經經歷咗4 代進化，逐漸變成簡單嘅惡意軟件。Android手機內嘅Whatsapp、Telegram，甚至係手機內嘅瀏覽器，都能被軟件監控，除咗密碼、圖片、影片等，仲可以搜尋歷史紀錄，自動取得電話通訊紀錄等。

卡巴斯基估計，最新版本嘅「ZooPark」可能由專業的監控工具供應商直接購買，因為最新版本能夠由簡單代碼功能發展至高度複雜化嘅惡意軟件，由之前版本功能嚟睇，「ZooPark」營運團隊並無呢種開發能力。