繼早前Cambridge Analytica(劍橋分析) 獲取及轉售Facebook用戶資料後，最近《紐約時報》揭Facebook向超過60個手機生產商，喺未經用戶同意下分享資料。報導指，Facebook至少同4 間中國手機生產商達成咗「資料共享」嘅合作關係，呢4 間生產商分別係華為、聯想、Oppo及TCL。

Facebook之後表示，同呢啲中國手機生產商達成嘅協議及訪問權限，與Blackberry手機相似，可以取得用戶及朋友嘅詳細信息，例如工作、教育及感情狀態等。但Facebook強調，與華為分享嘅資料，只保留喺手機而唔係華為伺服器上，而今個星期前結束將會結束同華為嘅協議。

《紐約時報》記者早前用Blackberry手機測試時，當手機連接咗一個有556名朋友嘅用戶後，手機隨即拎到呢566人及佢哋朋友嘅詳細個人資料，當中涉及29萬人。