根據一份6月26日嘅美國加州北區地方法院文件顯示，Apple與三星就專利侵權一案達成和解，結束由2011年開始嘅7年漫長訴訟，但相關嘅和解條件及詳細內容就未有公開。

00後可能唔太知，但見證住智能電話冒起嘅大家都知道Apple同三星就專利問題一直打緊官司，當年Apple指控三星抄襲iPhone設計，當中包括抄襲黑色屏幕面板、弧形邊緣及外框，以及彩色應用程式圖示等3項設計專利。

其實早喺5月嘅時候，法院已經裁定咗「三星侵犯Apple專利」，而Apple可獲得5.39億美元(42億港元)賠償，目前三星已經向Apple賠償咗3.99億美元，但雙方和解協議中並未有透露餘下賠償處理細節。