由諾貝爾和平獎得主馬拉拉(Malala Yoursafzai)牽頭嘅馬拉拉基金會(Malala Fund)與Apple合作，Apple旗下10所位於巴西嘅開發學院將會配合馬拉拉基金會，為巴西女童提供安全、優質嘅中等教育及更多機會。

馬拉拉喺上星期到訪Apple位於巴西里約嘅Apple開發學院與在學嘅新晉開發者見面，佢表示「無論佢想成為開發者、飛機師、舞蹈家或政治家都好，教育都係引領佢邁向光明未來嘅康莊大道，而透過善用Apple開發者網絡，馬拉拉基金會可獲得全新工具去輔助佢哋創造免費、安全及優質教育嘅使命。」

而Apple CEO Tim Cook就指出，「Apple由創立之初一直致力貢獻教育領域，我哋期待見證呢班極具創意嘅在學開發者如何幫助馬拉拉基金會，為世界各地嘅女孩帶來改變。」

今年一月，Apple成為馬拉拉基金會首個Laureate合作夥伴，協助基金會嘅Gulmakai Network願者網絡頒獎規模增加至2倍，並資助喺拉丁美洲及印度嘅全新項目，初期擴展目標係為超過100,000名女童提供接受中等教育機會。

來源：Apple