Tesla創辦人Elon Musk日前喺Twitter爆出驚人言論，大駡參與泰國洞穴救援嘅英國潛水專家Vernon Unsworth係「孌童男」。一句人身攻擊嘅言論令Tesla噚晚喺美股市場股價下跌咗2.75%，令Tesla市值縮水近20億美元，當然電動車Model 3嘅生產進度亦有影響，但呢一句「孌童男」嘅代價都唔細！

事後有多位分析師及投資者都表示，Elon Musk嘅言論增加咗佢哋對Tesla前景嘅擔憂，而佢哋嘅公開聲明就指出，佢哋正係分散對Tesla電動汽車生產業務嘅關注度。

而Tesla第4大股東兼資產管理公司Baillie Gifford合夥人James Anderson就表示，對Elon Musk嘅言論感到遺憾，佢亦向Tesla指出公司要保持平和，並確保核心業務嘅執行。

來源︰路透社