{ SKIP }
文:MenClub 路易斯  圖:互聯網
POSTED ON 06 Aug 2018

日前EA透露咗《FIFA 19》嘅新內容,遊戲中會加入5個新模式,其中包括遠射模式、生存模式、頭球與凌空射門模式、搶分模式及無規則模式。當中嘅生存模式被指與PUBGFortnite相似,因為玩家每入一球,自己隊伍就會有一位球員隨機離開,但唔包守門員。而Ultimate Team中,李華度、尤西比奧、林柏特、謝拉特等球員會成為新Icon

喺《FIFA 19》中嘅「House Rules」入面有5個新模式,包括遠射模式、生存模式、頭球與凌空射門模式、搶分模式及無規則模式。而最多人討論嘅生存模式玩法非常考策略,因為玩家每入一球,自己隊伍就會有一位球員隨機離開(唔包守門員),入得多波就會令球隊人數變得懸殊。但由比賽法定人數唔可以少過7個人,所以只要邊隊可以喺90分鐘入5球波就會贏。

其他4個模式方面,遠射模式參考咗籃球三分波嘅規則,只要禁區外嘅入波都會計2分,而禁區內就會計1分;頭球與凌空射門模式中,故名思義就係只有呢兩種入波先計分,其他入波都會被判無效;搶分模式就要設定特定分數,只要玩家贏夠分就會贏;無規則模式就係唔會犯規,你做咩都唔會食牌,亦無越位等規則。

Ultimate Team方面,《FIFA 19》採用咗新嘅Division Rivals資格賽,取代每日嘅淘汰賽資格錦標賽及在線賽季。另外Ultimate Team加入咗10個新Icon,包括李華度、尤西比奧、林柏特、謝拉特、簡拿華奴、斯多夫、告魯夫、馬基利尼、高路斯及魯爾。《FIFA 19》將會喺928日發售,並會登陸PS4Xbox OneSwitchPC平台。

來源:GamesRader

自Blue Origin及Virgin Galactic於過去兩年分別成功載人上太空後,「商業太空旅行」就由小說情節,成為現實中可行嘅體驗不過,當然係只限有錢人體驗啦。而睇黎有錢人已經唔滿足於「飛上去望下個地球就落返黎」,而係 ...
tech
【太空】真 ‧ 離地餐廳 400萬上太空 望住地球食米芝蓮
28 Mar 2024
若然消息屬實,iPhone 16 Pro機身側邊將加入一個全新按鍵「Capture button」,大小與電源鍵差唔多,能方便用戶拍攝及錄影。
tech
【科技】疑似iPhone 16 Pro保護殼曝光!機身側邊加入全新「拍攝」按鍵?
27 Mar 2024