{ SKIP }
文:MenClub 路易斯  圖:互聯網
POSTED ON 08 Sep 2018

經常會見到關於Tesla創辦人Elon Musk嘅媒體訪問,但今次佢接受美國諧星Joe Rogan邀嘅直播訪問就非常別開生面。喺訪問中兩人除咗傾到Tesla、太空旅行、人工智能等話題外,仲獻出佢喺直播節目上嘅「第一次」吸食大麻。有唔少人批評Elon Musk食大麻,加上壞消息影響,Tesla股價重挫6.3%,不過Elon Musk似乎唔多Care,仲講到其他未來新科技!

節目中受邀吸食大麻

Elon Musk日前接受Joe RoganYouTube直播節目訪問,兩人一邊飲住Whisky,一邊暢談科技話題。節目期間Rogan點起咗一支大麻,好奇嘅Elon就問對方係食大麻定雪茄,而Rogan就隨即反問Elon食過雪茄未,Elon就回答食過,及後Rogan仲邀請Elon一齊喺節目中食大麻。雖然Elon有食過大麻,但佢澄清指自己無經常食大麻嘅習慣,又表示食大麻對提高生產力無幫助。

節目完結後,Elon MuskTwitter受到一眾網民「洗板」, 更有唔少人留言表示對Elon Musk公然喺節目中食大麻大感驚訝。同時,Tesla亦面對人事變動,延續由年頭開始嘅逃忘潮,今次決定離任嘅係Tesla首席會計總監Dave Morton及首席人事總監Gabrielle Toledano。喺食大麻及高層離任事件發酵下,Tesla(TSLA)星期五喺美股由280.95美元重挫至263.24美元,足足跌咗17.71美元,跌幅達6.3%

事後受美國空軍調查

針對Elon Musk喺節目中吸食大麻,美國空軍對此展開調查,事關Elon Musk旗下嘅太空公司SpaceX與美國空軍簽訂咗多份高價值合約,而且美國禁止持有政府安全許可嘅人吸食大麻,所以美國空軍採用正常程序處理事件。不過喺Elon接受訪問嘅地點加州,喺今年初已經將消閒用嘅大麻合法化,但目前美國仍有約40個州份未將大麻完全合法化。

設計垂直升降電動飛機

至於喺訪問中,Elon Musk提到自己設計咗一種「電動噴氣式飛機」,飛機能夠喺高海拔地區進行垂直升降,以及進行超音速飛行,佢認為新設計較現有飛機更優勝。Elon續指,電動飛機要飛得高一定要克服重力勢能,只要能夠克服呢一點電動飛機就可以進入高海拔地區,而飛行所需能量亦會大幅減少,所以製造電動飛機需要考慮電池組能量密度嘅問題。

但及後Elon Musk表示電動飛機非當務之急,而推動電動車、太陽能發展係更為迫切嘅事。佢批評大眾過份依賴化石燃料,又指出人類開採石油等化石燃料,係歷史上最為愚蠢嘅實驗。Elon指出,從長遠嚟睇終有一日會耗盡石油等資源,所以我哋要加速過渡為採用可再生能源,以維持大家嘅交通方式及能源基礎設施。訪問完結前,Elon認為世界需要更多愛,又指會花更多時間陪伴家人、朋友,及減少使用社交媒體。

來源:CNNThe Verge

距離第一位太空人岩士唐登陸月球已經有49年歷史,唔少人會疑惑點解過咗接近半個世紀我哋嘅太空旅遊唔止唔能夠踏上月球,而且仲只係啱啱起步。早前Elon Musk旗下嘅太空科技公司SpaceX公布咗全球首位月球觀光客身份, ...
tech
【太空旅遊】點解SpaceX只提供繞月旅程 而唔可以登陸月球
25 Sep 2018
由日本日本宇宙航空研究開發機構(JAXA)發布消息指,旗下所研發嘅探測器「隼鳥2號」成功喺太陽系小行星「龍宮」表面投下兩個名為「MINERVA-II」嘅小型探測機械人,而兩個機械人喺小行星表面著陸後仲完成咗全球首次喺 ...
tech
日本探測器創歷史 首次著陸小行星「龍宮」
24 Sep 2018