{ SKIP }
文:MenClub 路易斯  圖:互聯網
POSTED ON 12 Sep 2018

有時搬搬抬抬嘅工作會好傷身,萬一唔夠力的話有機械幫手你話幾好!喺德國有99年歷史嘅假肢製造商Ottobock,計劃喺今個星期銷售名為「Paexo」嘅機械外骨骼(Powered exoskeleton),呢種穿戴式嘅外骨骼可以協助工廠工人輕鬆完成體力勞動嘅工作,早前「Paexo」喺Volkswagen車廠已經對30名工人進行測試。

機械外骨骼最初只係為咗醫療及軍事用途而開發,但隨住市場上有唔同嘅廠商將外骨骼商業化,外骨骼開始進入咗商業用途層面。早前,日本外骨骼製造商ATOUN都有推出過類似嘅機械外骨骼產品,主要係協助長者及年長在職人士,幫佢哋增強搬運能力,以減輕腰背負擔。

由德國假肢製造商Ottobock所開發嘅機械外骨骼「Paexo」,早前已經對30Volkswagen車廠工人進行測驗,希望以產品協助減輕重複性裝配工作嘅勞動強度。Ottobock工業部門負責人Soenke Roessing表示,有80%工人喺測試後願意向同事推薦產品,而Soenke透露外骨骼除咗汽車行業,目標顧客仲有航空、航運、建築等行業,並將會喺歐洲20多個地方作試點。相信日後如果外骨骼成本下降,將會成為重型工廠嘅主流裝備,改變汽車等製造行業。

機械外骨骼「Paexo」重達1.9公斤,但可以令使用者嘅手臂帶嚟一種喺泳池中失重嘅感覺,因為佢可以通過機械電纜技術將手臂上穿戴嘅外骨骼重量轉移至臀部,所以使用者可以喺無壓力嘅情況下舉起沉重工具,而「Paexo」售價為5,000歐元。

來源:Reuters
距離第一位太空人岩士唐登陸月球已經有49年歷史,唔少人會疑惑點解過咗接近半個世紀我哋嘅太空旅遊唔止唔能夠踏上月球,而且仲只係啱啱起步。早前Elon Musk旗下嘅太空科技公司SpaceX公布咗全球首位月球觀光客身份, ...
tech
【太空旅遊】點解SpaceX只提供繞月旅程 而唔可以登陸月球
25 Sep 2018
由日本日本宇宙航空研究開發機構(JAXA)發布消息指,旗下所研發嘅探測器「隼鳥2號」成功喺太陽系小行星「龍宮」表面投下兩個名為「MINERVA-II」嘅小型探測機械人,而兩個機械人喺小行星表面著陸後仲完成咗全球首次喺 ...
tech
日本探測器創歷史 首次著陸小行星「龍宮」
24 Sep 2018