{ SKIP }
文:MenClub 路易斯  
POSTED ON 13 Sep 2018

沿用咗好幾代嘅Apple Watch屏幕尺寸(38mm及42mm)設計正式要同大家講拜拜,事關新嘅Apple Watch Series 4採用咗全新屏幕尺寸及加大咗嘅圓邊屏幕設計,今次仲非常關「心」你添,一齊睇吓多咗咩新功能!

全新加大屏幕設計

Apple Watch嚟講最重要係個Mon,今次新推出嘅Apple Watch Series 4採用咗全新設計嘅屏幕大小,分別將原有大小嘅Apple Watch屏幕(38mm及42mm)分別增大35%及32%,而全新嘅屏幕寸為40mm及44mm。Apple Watch Series 4收窄咗屏幕邊框,令屏幕變得更大,而且採用咗圓邊設計,亦令資訊圖錶面可以顯示多達8個複雜功能。加上新設計屏幕採用咗LTPO顯示技術,Mon大咗電量依然夠一日使用。

全新錶冠設計

新Apple Watch採用咗全新設計嘅數碼錶冠,當用家捲動時會有觸感反應,就好似有機械運轉嘅感覺。同時,新設計嘅數碼錶冠整個組件縮細咗30%,大大減少咗錶冠佔用空間,但錶冠嘅內藏零件數量竟然增加咗21%。

加入心電圖檢查功能

今次Apple Watch配備第二代「光學心率感測器」,及新加入位於錶冠及錶底嘅「電子心率感測器」,用家可以透過以手指按壓錶冠使用全新嘅「Electrocardiogram」心電圖檢查功能。除咗過往大家心跳過快Apple Watch會彈出通知外,今次仲會有「低心率通知」,當用家處於靜止狀態而心率低於指定臨界值達10分鐘,Apple會偵測到並發出通知。

「平安鐘」一樣嘅跌倒偵測功能

引入全新高達32 g-force嘅加速感應器及新陀螺儀,Apple Watch可偵測到你失足跌倒。一旦用家戴住Apple Watch跌倒(希望無跌爛隻錶),Apple Watch就會發出「嚴重跌倒提示」,用家可以選擇致電緊急服務或者關閉提示,但如果用家喺60秒後無任何回應,Apple Watch就會自動打緊急電話,並向你嘅緊急聯絡人傳送訊息。好似仲好過平安鐘,唔洗自己去撳掣就打到緊急電話。

音量增加、咪高風移位

Apple Watch Series 4採用咗體積更大咗喇叭,令手錶音量增加咗50%,同時大大提升咗音訊質素,而咪高風就改到錶冠及功能鍵之間,令到手錶收音嘅回音影響更小,用手錶傾電話就可以更清晰。

全新S4晶片

新Apple Watch採用咗全新嘅S4晶片,佢除咗擁有64bit雙核心架構,仲係一個完整系統級封裝(SiP),而Apple Watch就係全球唯一可完全喺SiP上運行嘅產品。S4晶片速度比以往快2倍,除咗開App快啲,整個系統嘅效能表現更大幅提升。

售價如下: 

Apple Watch Series 4 GPS版 

HKD$3199起

Apple Watch Series 4 Cellular版

HKD$3999

預訂日期:

914

發售日期:

921

自Blue Origin及Virgin Galactic於過去兩年分別成功載人上太空後,「商業太空旅行」就由小說情節,成為現實中可行嘅體驗不過,當然係只限有錢人體驗啦。而睇黎有錢人已經唔滿足於「飛上去望下個地球就落返黎」,而係 ...
tech
【太空】真 ‧ 離地餐廳 400萬上太空 望住地球食米芝蓮
28 Mar 2024
若然消息屬實,iPhone 16 Pro機身側邊將加入一個全新按鍵「Capture button」,大小與電源鍵差唔多,能方便用戶拍攝及錄影。
tech
【科技】疑似iPhone 16 Pro保護殼曝光!機身側邊加入全新「拍攝」按鍵?
27 Mar 2024