開發者Steve Troughton-Smith繼日前喺iOS 12.1 Beta中，搵到新iPad將支持橫向Face ID功能後，佢再發現新iPad嘅外接顯示器(External Displays)出現咗「3840x2160 (4K)」，即係話，新iPad喺iOS 12.1下將支援4K外置顯示。

消息指出，開發者Steve Troughton-Smith喺新推出嘅iOS12.1 Beta進行測試時發現，新iPad嘅外接顯示器選項中出現咗4K分辨率嘅選項，同時佢亦喺Twitter上放出新iPad外接顯示器嘅圖片。

New in iOS 12.1: the iOS Simulator supports virtualized 4K external displays. This is not possible on any existing iOS device via the Lightning HDMI adapter — lends credence to iPad perhaps getting a USB-C port for 4K video-out? pic.twitter.com/WfNBerHIrb

— Steve Troughton-Smith (@stroughtonsmith) September 19, 2018

你可能會問更新咗iOS 12.1，舊嘅iPad Pro唔可以支4K外置顯示嗎？因為以目前行業科技嚟講，要實現4K影像輸出需要透過USB-C，而使用AirPlay或者Lightning HDMI Adapter都做唔到。所以新一代iPad Pro好大機會會採用USB-C接口，但具體資料始終要等到佢推出先能夠確定。

來源：MacRumors