{ SKIP }
文:MenClub 路易斯  圖:互聯網
POSTED ON 24 Sep 2018

今日你能夠上網睇到呢個Post一定要感謝一個人,佢就係「光纖之父」高錕。諾貝爾物理學獎得主兼中大前校長高錕,昨日於沙田白普理寧養中心與世長辭,享年84歲。雖然高錕離開咗我哋,不過佢亦留低咗可以傳送大量資訊嘅光纖,大家過中秋之餘不妨睇吓高錕嘅偉大發明光纖。

1933年喺上海出生嘅高錕,出身於書香世家,佢嘅祖父高吹萬係清末江南著名書畫家,而父親高君湘律師就係美國密西根大學法學院博士,而高錕就自小對化學及物理有興趣。喺1966年高錕發表咗一篇名為《光頻率介質纖維表面波導》嘅論文,破天荒咁提出以光導纖維應用於通信上,並描述咗長程及高信息量光通信所需絕緣性纖維嘅結構及材料特性,啫係只要解決玻璃純度及成分等問題,就可以利用玻璃製作光學纖維,並高效傳輸信息。呢個重大發明誕生之後,高錕並無將光纖技術申請申請專利,反而留畀後人免費使用,所以高錕非常值得大家尊敬。

2002年高錕證實患上早期認知障礙症,逐漸忘記自己所發明嘅光纖,甚至唔記得自己,不過世人都會記住佢為大家留下嘅偉大發明光纖。而中大校長段崇智亦表示,「高錕為人類通訊史寫下全新一頁,其離世對香港乃至全球學術界均是重大損失」。

自Blue Origin及Virgin Galactic於過去兩年分別成功載人上太空後,「商業太空旅行」就由小說情節,成為現實中可行嘅體驗不過,當然係只限有錢人體驗啦。而睇黎有錢人已經唔滿足於「飛上去望下個地球就落返黎」,而係 ...
tech
【太空】真 ‧ 離地餐廳 400萬上太空 望住地球食米芝蓮
28 Mar 2024
若然消息屬實,iPhone 16 Pro機身側邊將加入一個全新按鍵「Capture button」,大小與電源鍵差唔多,能方便用戶拍攝及錄影。
tech
【科技】疑似iPhone 16 Pro保護殼曝光!機身側邊加入全新「拍攝」按鍵?
27 Mar 2024