{ SKIP }
文:MenClub Patrick  圖:互聯網
POSTED ON 17 Dec 2014
嗌一聲「喼神~~~」,凌凌漆嗰個喼神就能夠安全又瀟灑咁將佢送入賴有為屋企。現實中,遲吓大家都可以擁有一部喼神,安全又瀟灑咁送大家去唔同地方。

呢個由中國設計公司Yang Design為國際旅行喼品牌Tumi設計嘅未來喼神,入面有晒電池、摩打同車轆,當大家舟車勞頓完攰到hihi嗰陣,就可以將佢變形成電動車,坐住佢四圍走,等自己慳番啖氣唞吓,他條過阿寶。


佢仲唔止內置咗車頭燈同能夠幫手機充電嘅USB插頭,更加有埋RFID無線射頻辨識系統,萬一喼神走失咗,機場人員都可以用NFC技術搵到佢嘅位置,好smart。

最重要係,佢咁有型,坐佢點都好過好似強國人咁坐行李或者行李車啦!真係值得講句:「我好鍾意坐車,去到世界每一個國家都必須坐,例如電動車乜乜乜。」雖然講萬七次都必須再講,電動車喺香港唔揸得,不過機場話晒係室內,可能有法律罅走喎。






自Blue Origin及Virgin Galactic於過去兩年分別成功載人上太空後,「商業太空旅行」就由小說情節,成為現實中可行嘅體驗不過,當然係只限有錢人體驗啦。而睇黎有錢人已經唔滿足於「飛上去望下個地球就落返黎」,而係 ...
tech
【太空】真 ‧ 離地餐廳 400萬上太空 望住地球食米芝蓮
28 Mar 2024
若然消息屬實,iPhone 16 Pro機身側邊將加入一個全新按鍵「Capture button」,大小與電源鍵差唔多,能方便用戶拍攝及錄影。
tech
【科技】疑似iPhone 16 Pro保護殼曝光!機身側邊加入全新「拍攝」按鍵?
27 Mar 2024