家陣全球都關心apple會喺下個月嘅WWDC會有咩新發表，不論新服務定係新產品都會係令fans興奮嘅消息。不過呢單就可能會令部份用家失望，事關傳聞iOS 9將會用新機制趕絕一切Jailbreak行為！

消息指apple將會喺iOS 9加入Rootless機制，進一步限制用家對手機嘅存取權限，希望可以令手機嘅保安更加嚴密。不過喺Rootless機制下，就連有系統管理員權限都唔可以存取或未修改系統檔案，變相係完全封鎖同Jailbreak相關嘅行為。不過道高一尺，魔高一丈，相信apple同hacker又會展開新嘅攻防戰。另外，據9to5Mac多位猛人爆料，話新系統將會支持已經停產嘅iPhone 4s，甚至連初代iPad都用得到，變相令舊機可以返生。當然用舊機行新系統，運算速度可能會比較慢，硬件上未必食得落。