美國警方近日就喺twitter出post，呼籲大家唔好再用呢類手機殼，以免引起不必要嘅誤會，事關喺昏暗環境底下，警察好難分辨出你到底係拎電話定係拎槍，所以有可能令警察拔槍自衛，因此發生不幸事件。

因為美國槍械氾濫，所以當地警察對槍械嘅反應好敏感，令美國警察比香港交通警更加鍾意拔槍。只要你稍有小動作，警察就會因為覺得受到威脅而拔槍甚至開槍，所以大家唔好搵命博。