無人機技術係近年軍事發展嘅重要研究之一，英軍最近就公開一款名為Dreadnought 2050嘅戰艦概念圖片，呢艘超級戰艦結合無人機技術之餘，更將會配備光速武器、隱形同埋全息影像等先進技術，預定2050年就可以面世。

呢艘外型咁科幻嘅超級戰艦Dreadnought 2050，可以係經典戰艦無畏艦(Dreadnought)嘅後代，不過就會用大量高科技。船身流線外型唔見有任何凸出嘅槍電，只係戰艦前端安裝具備長程巡航導彈級別嘅電磁砲，艦身就有特別嘅石墨塗層，令到成艘戰艦都可以有隱形效果。

至於操作室就有以3D全息影像屏幕為中心，由五名船員好似打機咁樣用篤芒控制戰艦，可遙控操作殺敵於千里之外，更令操作人手由200人減少至50人就夠。不過講就無敵，目前戰艦仍係概念階段，希望到佢正式面世時，係用嚟保護地球，而唔係用嚟打世界大戰啦。