{ SKIP }
文:MenClub Frey Lai  
POSTED ON 30 May 2016
如果大家覺得之前iPhone 7同iPhone 7 Pro嘅傳聞太流,可以聽返單比較堅嘅消息。日前《日本經濟新聞》報導,台灣可成科技董事長洪水樹喺周四嘅股東會表示,Apple已決定將新iPhone嘅外殼由金屬變成玻璃,仲計劃出年推出一款採用玻璃外殼嘅iPhone。佢亦補充iPhone機身仍然會保留部份金屬,而且出年只會有一款iPhone改用玻璃外殼。洪水樹嘅講法同KGI證券分析師郭明池早前話2017年將會推出底面玻璃iPhone嘅預測吻合,所以洪水樹爆響口令傳聞可信性大增。至於今次玻璃面iPhone只係概念圖片,仲未confirm呀。

至於iPhone 7消息最近就由MacRumors爆堅料,出post有埋機身圖片。機身睇落同iPhone 6差唔多,而且仲有埋最新嘅粉紅色添。不過機背鏡頭就唔同,傳聞iPhone 7鏡頭會凸出嚟好似然眼鏡咁,而iPhone 7 Pro就會用雙鏡頭。係,又係傳咗勁多次嘅雙鏡頭,不過今次就傳聞會用Apple最新嘅Dual Camera技術。新技術除咗可以合成出媲美單反解像度嘅相片之外,仲有埋光學變焦功能添。除此之外,機背白線位置亦改咗去頂部同底部,相信天線亦會用新設計。按照慣例,預計新一代iPhone會喺9月出推,呢幾個月繼續吹得就吹。


自Blue Origin及Virgin Galactic於過去兩年分別成功載人上太空後,「商業太空旅行」就由小說情節,成為現實中可行嘅體驗不過,當然係只限有錢人體驗啦。而睇黎有錢人已經唔滿足於「飛上去望下個地球就落返黎」,而係 ...
tech
【太空】真 ‧ 離地餐廳 400萬上太空 望住地球食米芝蓮
28 Mar 2024
若然消息屬實,iPhone 16 Pro機身側邊將加入一個全新按鍵「Capture button」,大小與電源鍵差唔多,能方便用戶拍攝及錄影。
tech
【科技】疑似iPhone 16 Pro保護殼曝光!機身側邊加入全新「拍攝」按鍵?
27 Mar 2024