{ SKIP }
文:MenClub 魏文青  
POSTED ON 26 Sep 2016
如果你突然流落荒島,又只可以帶一樣隨身物品,你會帶啲咩?好多人第一時間都會諗到「手提電話」,但好快你又會諗到:唔係喎,電話會冇電喎!咁畀你帶埋個尿袋呢?但其實都唔係捱到好耐架咋喎!喺呢個時候,你需要嘅就係一個能夠利用自然環境發電嘅機器,例如呢個目前喺Kickstarter集緊資嘅「Estream」咁就啱哂啦!


呢個個樣好似Tenga嘅「Estream」其實係一個流動水力發電機。打開上面個蓋,就可以開出一個螺旋槳,將成舊嘢放落任何有水流嘅地方,水流就會推動螺旋槳,再推動入面嘅發電組件,再叉落內置嘅6400mAh電池到。佢就話「只需」4個半鐘就可以叉滿舊電,舊電又可以叉滿三部電話。而同時佢又可以當係一個照明燈,真係越睇就越似畀人流落荒島用。

「Estream」由美國團隊「Enomad」設計。據佢哋講,個概念最早可以講返去2014年嘅「Smart Charging Station Project」,仲曾經試過喺韓國首爾嘅「清溪川」試行,供遊人充電,亦都吸引到好多媒體嘅報導。再經過一年嘅改良,最後就成為依家大家見到嘅「Estream」啦。


如果你都對「Estream」有興趣,就可以上佢哋嘅Kickstarter頁面到落單,最平嘅選項係180USD買一隻,即係大約1400HKD左右。
Estream: A portable water power generator fits into backpack
自Blue Origin及Virgin Galactic於過去兩年分別成功載人上太空後,「商業太空旅行」就由小說情節,成為現實中可行嘅體驗不過,當然係只限有錢人體驗啦。而睇黎有錢人已經唔滿足於「飛上去望下個地球就落返黎」,而係 ...
tech
【太空】真 ‧ 離地餐廳 400萬上太空 望住地球食米芝蓮
28 Mar 2024
若然消息屬實,iPhone 16 Pro機身側邊將加入一個全新按鍵「Capture button」,大小與電源鍵差唔多,能方便用戶拍攝及錄影。
tech
【科技】疑似iPhone 16 Pro保護殼曝光!機身側邊加入全新「拍攝」按鍵?
27 Mar 2024