即將推出嘅YouTube Go，主要係想大家喺有Wi-Fi時download定想睇嘅片，然後得閒先慢慢睇，從而幫你慳返data。新版喺下載時可以選擇畫質，當儲存好之後仲可以整playlist，方便你之後可以一次過煲晒佢，至啱上飛機煲片用。另外YouTube Go仲有離線影片分享功能，用藍牙將影片同朋友仔開心share，唔使上網都得。

雖然呢啲功能好正，但新版本服務暫定出年會喺印度率先推出，而且YouTube Go開發目標都係針對新興市場需要，所以唔知幾時先會喺其他國家推出，希望香港都可以快啲用到啦，電話費好貴呀！