{ SKIP }

POSTED ON 09 Dec 2016
好多人聖誕節都會想買竦新laptop,皆因送禮自用都一樣實用,但又考慮到notebook唔係黑就銀,好似冇乜聖誕feel喎。嗱,外型出名靚仔嘅Asus ZenBook系列就唔同,最新Asus ZenBook 3玩「皇家藍」同「玫瑰金」兩隻色都夾晒聖誕主題,而且仲係全球最輕最薄嘅laptop,加上超強規格,聖誕想送laptop根本得呢個選擇!

近年平板電腦大行其道,主要係因為夠輕便,但講到效能始終係laptop好。Asus ZenBook 3就集高效能同輕便於一身,成部機連1kg都冇,只得910g,比起平板都唔差得遠,加上擁有11.9mm超薄機身,又輕又薄,所以Asus ZenBook 3能成為全球最輕最薄嘅laptop!

超輕身嘅Asus ZenBook 3仲用埋一體成型設計,而且機身用料非常講究,以航太級鋁合金打造,簡約脫俗。機面更用返ZenBook系列嘅金屬同心圓髮絲紋設計,經二次陽極處理之後,金屬紋嘅反光位更靚更有質感,令人一睇就知道係ZenBook機款。顏色方面,Asus ZenBook 3有「皇家藍」同「玫瑰金」兩隻顏色,機身周邊更以金色拋光同鑽石切邊處理,個人覺得藍色加金色夠晒貴氣,而玫瑰金配金色邊就散發優雅氣質。兩隻色都fit到聖誕節主題色,加上包裝精美又有靚仔皮套,做禮物真係冇得輸。

未講核心規格前,講埋大家揀機時都特別關心嘅屏幕先。Asus ZenBook 3配備12.5"全高清屏幕,而屏幕用咗康寧Gorilla Glass 4強化玻璃,防刮防花,特別耐用。7.6mm超窄邊框,令個芒睇落更大。喇叭方面一樣足料,仲搵到美國音響名廠Harman Kardon,幫手設計4隻高質喇叭,鍵盤頂部同機底各有一對,布局恰到好處,令聲音輸出均勻有力,大大提升現場感,聖誕同挈愛睇戲煲劇自然更有氣氛啦。

知道大家都係外貌協會,望到機身咁靚已經流緊口水,但聽我講埋硬件配置先「科水」都未遲。皇家藍嘅Asus ZenBook 3擁有最高規格。搭載最新第七代Intel Core i7-7500U處理器,採用業界最快速16GB LPDDR3 記憶體,以及極速1TB PCIe 3.0 x 4 SSD,最多可以去到1TB添!另外,Asus ZenBook 3為迎接次世代傳送速度做好準備,全機只得一個USB 3.1 Type C同埋3.5mm耳機介面,但正在跟機包埋個mini dock畀你,方便你擴充USB 3.1 Type C、HDMI同USB 3.0 ,唔會屈你另外買,夠晒貼心。


ASUS ZenBook 3 (UX390UA-GS031T) 零售價:HK$14,998 (皇家藍, i7/16GB/1TB)
ASUS ZenBook 3 (UX390UA-GS041T) 零售價:HK$9,998 (皇家藍, i5/8GB/512GB)
ASUS ZenBook 3 (UX390UA-GS051T) 零售價:HK$10,998 (玫瑰金, i5/8GB/512GB)



自Blue Origin及Virgin Galactic於過去兩年分別成功載人上太空後,「商業太空旅行」就由小說情節,成為現實中可行嘅體驗不過,當然係只限有錢人體驗啦。而睇黎有錢人已經唔滿足於「飛上去望下個地球就落返黎」,而係 ...
tech
【太空】真 ‧ 離地餐廳 400萬上太空 望住地球食米芝蓮
28 Mar 2024
若然消息屬實,iPhone 16 Pro機身側邊將加入一個全新按鍵「Capture button」,大小與電源鍵差唔多,能方便用戶拍攝及錄影。
tech
【科技】疑似iPhone 16 Pro保護殼曝光!機身側邊加入全新「拍攝」按鍵?
27 Mar 2024