{ SKIP }
文:MenClub Frey Lai  
POSTED ON 29 Dec 2016
大家喺手機裝咗呢部機,就可以「去尋找已遺失初吻感覺,又再回憶再沉溺戀愛感覺」,然後「無限kissy kissy kissy kissy 再來兩輪kiss」

其實Kissenger早喺2012年已經由新加坡國立大學開發成功,不過當時只係cute cute豬仔樣。今次英國倫敦城市大學Imagineering Institute將其改良,將豬仔變成電話底座之餘,更為矽膠嘴唇加入感應器,將觸感轉為訊號傳送到另一端嘅接收器,然後透過app進行視像通話就可以kiss,而且仲聲稱有埋溫度添!

如果唔想下下咀對咀咁激情,開發團隊話亦可以放喺臉頰同額頭溫柔錫錫,比較適合同外地家人視像通話時使用,亦啱偶像明星同fans互動時使用,應該可以毒到一班港女幻想同韓仔錫錫,又啱女神收兵。咁想伸脷可以點玩呢?留返見到真人先玩啦,衰鬼。

暫時Kissenger只會推出iOS版本,不過售價同上市日期都未定。照我話大家唔使急,等佢出到有得玩「吮吮」功能先買都未遲。到時用兩部手機同kissenger,咁係咪可以實現自己錫自己呀?軟骨功都唔使練,識玩!錫邊度就自己諗啦。


自Blue Origin及Virgin Galactic於過去兩年分別成功載人上太空後,「商業太空旅行」就由小說情節,成為現實中可行嘅體驗不過,當然係只限有錢人體驗啦。而睇黎有錢人已經唔滿足於「飛上去望下個地球就落返黎」,而係 ...
tech
【太空】真 ‧ 離地餐廳 400萬上太空 望住地球食米芝蓮
28 Mar 2024
若然消息屬實,iPhone 16 Pro機身側邊將加入一個全新按鍵「Capture button」,大小與電源鍵差唔多,能方便用戶拍攝及錄影。
tech
【科技】疑似iPhone 16 Pro保護殼曝光!機身側邊加入全新「拍攝」按鍵?
27 Mar 2024