目前美軍用緊嘅PD-100黑蜂無人機，由Prox Dynamics生產，係全球最細嘅航拍機，全長只得16cm，重18g，得手掌咁大，每套會有兩部機，方便輪流執行任務。飛行時間同一般無人機差唔多，都係得20-25分鐘，但勝在回電快，20分鐘就可以充到90%電，而遙控範圍則可達1.6公里。

由於PD-100夠晒細部，加上能夠單手控制，又有齊GPS定位同紅外線夜攝功能，令偵察同支援工作都可以更有效率，更重要係搵命博。其實除咗PD-100之外，Datron/Aeryon「Sky Ranger」、PSI「InstantEye」)同埋DJI「Phantom」都係美軍採購目標，當局計劃2017年底開始進行配給，預計到2018年會有286架唔同大細嘅無人機會為美軍執行任務。