初時我都諗住咁耐冇見過Nokia手機，點都會出返部勁嘢省招牌啦。點知Nokia 6只係試水溫嘅中階機款。系統用Android 7.0(Nougat)，配備Snapdragon 430處理器、4+64記憶配置同埋800+1600萬像素鏡頭，仲支援NFC同指紋辨識功能，加上5.5"全高清屏幕。規格唔算標青，但都叫足料先啦。

老老實實，呢部Nokia機同大家期待應該有所出入，事關Nokia其實只係掛牌同技術支援，生產係由富士康代工，而設計同銷售都係由芬蘭HMD負責。加上Nokia 6有意主打大陸市場，目前只會喺大陸京東率先發售，定價係1699人民幣，未知幾時先正式開賣。到底仲有冇Nokia靈魂，大家自己諗喇。至於點解會將型號叫做「6」呢？原來係意頭嘢，代表順順利利。都好嘅，起碼有個期待將來Nokia1會係一部旗艦機先嘛。

'