由Google同Levi's合作推出嘅智能牛仔褸，係用咗特別布料製造，加上導電電紗令牛仔褸表面可以變成篤芒咁，配合手袖位嘅可拆式藍牙裝置連接手機，掃下佢就可以感應到手勢操作，聽歌接電話都係一掃搞掂，聽落係幾瀟灑嘅。牛仔褸預定今年秋季就會正式推出，售價350美元，比估計售價貴足一倍！雖然成件事好似好高科技咁，但其實智能手錶甚至再簡單啲嘅藍牙hands free，咪一樣可以有同樣功能？我都諗唔明智能牛仔褸乜實際作用，玩下gimmick就要賣到呢個價。fashion嘅嘢，我真係識條鐵，早知呢單就留返畀Kay寫就算啦！