好老實，好多人都話對Switch有興趣，不過叫你買呢？撇除炒價以外，大家仍話睇定啲其實係擔心冇嘢玩。咁點先可以令Swicth真正爆得起？大家睇返由超任、Wii到NDS喺香港嘅歷史，大概到估到邊個moment先係最多人出機嘅時候。近日，外國駭客qwertyoruiop就‏喺twitter發布一張相，表示已經成功破解Switch！

由qwertyoruiop出嘅post可以見佢用Pangu越獄工具進行破解，利用WebKit漏洞破解Switch系統，而WebKit係Safari、Chrome同Opera呢啲主流瀏覽器嘅引擎，駭客發現Switch原來隱藏瀏覽器，於是就利用WebKit漏洞破解iOS嘅方法嚟破解Swicth，情況就好似Jailbreak咁。今次破解只係hack入系統，未知可以點改法，而且距離「完全破解」仲有一段距離，以為可以玩老翻嘅人可以早啲瞓。再講今次咁早發現漏洞，任天堂肯定會盡快推出patch修補漏洞，相信駭客同任天堂嘅攻防戰會延續到Switch之上。