能夠影響咸片網收視大跌嘅事，應該可以算得上世界大事！YouPorn最近就有咗個統計，發現Switch推出當日(3月3日)，網站流量即時下跌15%，而且之後嘅星期六、日，亦分別比平時下跌17%同13%，係過去30日以來嘅低位。過去每當有電視劇首播或大結局時，咸網流量都會受到一定影響，不過都係跌得一日，所以今次連續跌幾日係幾罕見。

雖然流量下跌，但以《薩爾達》主角「Link」同「Zelda」為關鍵詞嘅搜尋，就分別急升164%同102%，至於「Mario」同「Princess Peach」亦分別升咗24%同16%，我上去搵過發現多數都係勁肉酸嘅同人動畫，所以唔睇冇損失。題外話，《Game of Thrones》第7季已經確定今年7月16日播放，到時應該又會令咸網收視大減。