聯合創辦人Yashar Behzadi同Greg Moon發表聲明，表示Popslate項目已經冇資可用，而且由於已經進入法律程序，所以唔會有任何退款安排，將來亦唔會推出Popslate產品，同時話呢次聲明會係最後嘅更新。即係點？cap完你水冇仇報囉！雖然佢哋有解釋係產品出問題，然後又用晒資料去研究解決方法，但呢啲理由都真係聽到厭。所以大家支持眾籌項目時真係要小心，要留意有冇出現過功能正常嘅原型機先好落back，同時要搵下項目嘅背景，睇下係咪想喺其他平台借屍還魂，咁就可以減低中伏機會。