每套Tradfri除咗有控制中心同遙控之外，仲會跟2隻可調校光暗同色溫嘅LED燈，每隻燈有2萬5000小時壽，有分E27同E14燈頭，而每套最多可以同時支援10個燈泡。用法同大部份智能燈一樣，能夠用remote或app進行遙控開關同調校光暗，睇宣傳片仲見轉下個遙控就可以調校光暗，玩埋手勢操作。至於價錢就比想像中平，瑞典定價746克朗，大約等於$662港元，問過香港IKEA就話未有推出日期。