我讀書嗰陣唔好話手提電話，就連call機唔係個個有，大家上堂悶到瞓著時真係只可以瞓覺，想話偷偷打機真係冇乜可能。唔知外國網友Sudomod返學時係咪一樣悶得滯，但就諗出將喉糖盒改裝成手提遊戲機，勁細部真係睇唔出可以用嚟玩模擬器。Sudomod自製嘅「mintyPi 2.0」，係以Raspberry Pi Zero作為系統。放入裝好系統嘅底板之後，然後3D打印出機身外殼固定掣位同小屏幕，咁就大告成，而Sudomod仲用超任模擬器嚟做示範添！mintyPi 2.0能夠支援WiFi，即係可以自己download遊戲，不過想知詳細步驟點整，就要等埋佢條教學片先得，依家不妨儲定盒仔先啦。
