{ SKIP }
文:MenClub 魏文青  
POSTED ON 01 Apr 2018
無論係身高150cm嘅女仔,定係身高175cm嘅女仔,如果你走去問佢哋對於男伴嘅理想身高,好有可能佢哋都係答你180cm,坊間亦一直討論所謂「最萌身高差」,即係男女雙方身高差別到達一個「Magic Number」雙方就係最襯最開心。咁究竟又係咪有「最萌身高差」呢?根據韓國建國大學嘅一個研究,係冇「最萌」呢回事嘅!但各位短身嘅同伴又唔好太好心喎,因為個研究同樣發現,男女身高差同韓信點兵一樣,都係多多益善。
根據由Dr. Kitae Sohn於2015年主持嘅研究,訪問過7850名印尼女士之後發現男伴比女伴越高,雙方嘅關係就開心。當中嘅玄妙在於男女自古以來對男性身高嘅刻板印象。一個身材高嘅男士睇落會更加強壯,更能保護伴侶家人,所以古時生活於嚴苛環境下嘅女性就會「學識」選擇高嘅伴侶,久而久之「高=安全=開心」;同樣道理,生得高嘅男士自知有個明顯嘅一技之「長」,令其自尊提升,於是佢又更開心。而如果雙方身高差越大(女方越矮、男方越高),開心嘅效果就會越來越強,所以身高差別大嘅情侶就會更開心啦!
但一眾矮小嘅男士亦唔需要絕望,因為跟據同一個研究,身高差帶來嘅開心係會隨時間而消逝,換言之於一段時間後高同矮對女人黎講係冇分別——不過呢「一段時間」係講緊18年。Dr. Kitae Sohn指18年後要麼女性已經習慣男方嘅身高,一係就自己失去咗當初吸引高男嘅條件(如美貌),兩者都會令女性對男方嘅身高改觀。另外身高差再大都不可能彌補某啲行為,例如出軌、不幫手湊小朋友、忘了愛等等。所以高又唔係玩哂嘅——但易玩好多囉。
咁生得矮又係咪注定孤獨終老呢?又未必嘅。跟據紐約大學嘅學者Abigail Weitzman同Dalton Conley於1986-2009年做嘅研究顯示,身材較矮(5尺6吋以下)嘅男士比起較高嘅男士更多參與家務,離婚嘅機會亦更低。另外由《Journal of Sexual Medicine》刊載嘅一個報告亦顯示年輕介乎於25-29歲,身高處於5尺9以下嘅男士比起其他男士有更多性愛。即係你伴侶未必好開心,但你有更多伴侶,咁或者都算打個和掛?
Rebelcircus
網絡有男人開PO大數響香港做男人有幾痛苦,話香港男人一出世就係罪,搭車太迫揩到女仔就係非禮,生得唔靚仔講多句笑都叫性騷擾
thezone
王貽興-香港男人有幾慘
22 Apr 2018
演出嘅角色可愛性感,真人又豪放爽朗,真係非常吸引
girls
你愛腳我便露腳 豪爽美人Alison Brie
21 Apr 2018