{ SKIP }
文:MenClub 魏文青  
POSTED ON 11 Mar 2018
男人天生就對女性嘅胸部有濃厚興趣,問題係作為男人嘅你又知唔知自己點解鐘情於上圍豐滿嘅女性?幾豐滿先算係好?最重要嘅係,你望住呢兩團實質係脂肪乳腺混合體嘅時候,個腦究竟諗緊啲咩?唔知?唔緊要,因為我都唔知,但係有科學家知。

1. 心宜的胸部大細反映你嘅財政安全感

於2008年刊登於《The Journal of Socia-Economics》嘅一個研究結果顯示,一個男人嘅「財政安全感(Financial Security)」會影響佢心宜嘅胸部大小。簡單黎講係一個男人嘅財政安全感越低,佢就越偏向鍾意上圍豐滿嘅女性;反之若果佢(自覺)財政穩健,咁佢就會偏好胸部較瘦削嘅女性。當中嘅原因(可能)係上圍豐滿嘅女性於男人本能中代表更多「食物」(資源),而財政較差嘅男人想補充自己嘅「資源不足」,於是對呢類身型更有興趣。而財政穩健嘅男人因為自覺手上資源已經足夠,所以唔需要女性提供額外「資源」。

唔怪得我每個糧尾都… 

2. 肚餓會偏向鍾意大胸部

「胸部=(後代嘅)食物=資源」呢個邏輯的確能解釋男人喜愛上圍豐滿女士嘅部份原因。上述同一個研究亦發現比起食飽飽之時,男士喺肚餓時會偏向喜歡大胸部的女性——唔係,唔係話你幾廿歲人肚餓就想搵奶飲——當中嘅原因同上面「財政安全感」一樣,都係「自身缺乏資源,所以想搵個有額外資源嘅伴侶」。

3. 大未必佳

縱然大家一直都以為男士對女人上圍嘅要求係「韓信點兵」多多益善,但研究發現「大」原來「未必佳」。據兩位波蘭學者Zelazniewicz及Pawlowski於2011年嘅研究,佢哋要求受訪男士為A至E五個Cup數的女性胸部作出喜好評分,發現C-D Cup得到最高分,而E Cup只係同B Cup相差不遠(見上圖)。佢哋亦發現「Sexually Restricted Men」,即性生活較為保守、「炮友」較少的男士比起「Unrestricted Men」對豐滿上圍嘅評分普遍較高。估計係因為保守者難得有性愛機會,所以比較著重「官能享受」,反之開放(而又有能力搵到不同性伴侶)嘅男士就冇咁睇重呢方面,反正總會遇到。

講開又講,同一個調查亦發現比起正面及側邊,更喜歡以「Oblique View」(即三七臉)欣賞胸部。

4. 睇多啲胸會長命啲

好吸引呀可呢句嘢?不過實在就太簡化啦!成件事係咁嘅:根據2012年發表於《Archives of Internal Medicine》嘅一份研究,當中搵黎756名冠狀血管疾病、高血壓或者哮喘嘅患者,並要求佢哋寫低自己嘅健康願景。之後研究方鼓勵其中一半受訪者每朝起身都諗啲正面嘢,而且定期作出自我肯定,一年後發現佢哋有更高機率完成自己寫下嘅健康願境,結論就係「正面思想」令你更願意去保持健康。

而所謂「睇多啲胸會長命啲」實際只係因為對男人黎講「睇胸=正面」,所以唔單止睇胸,睇貓、睇車、睇周星馳或者都有同樣效果。

食開日清杯麵嘅大家,相信都對杯麵入面嗰堆唔知係咩肉、唔知點整、但口感同味道都頗為特別嘅「謎肉」非常熟悉,甚至有人係為咗食「謎肉」所以先買日清杯麵黎食。如果你都對「謎肉」情有獨鍾嘅話,咁你就好彩啦,因為 ...
thezone
【日本】日清推單獨發售「謎肉放題」 乾啃亦可
28 Mar 2024
日本採用三學期制,所以學年嘅最後一個學期會於3月完結,換言之依家呢個時間就係學生們畢業嘅季節,當中當然有已經年紀輕輕就已經出道嘅寫真女星。好似今晚要為大家介紹嘅呢位「矢野ななか」咁,就係應屆高中畢業生 ...
girls
【深夜】剛剛高中畢業!LEVEL不同的「矢野ななか」
27 Mar 2024