{ SKIP }
文:MenClub Mean娜  圖:互聯網
POSTED ON 07 Mar 2018

男女身體構造大不同,女人唔明男人嘅蛋蛋被人踢到有幾痛,男人都一樣唔明女人每個月M到有幾痛。雖然有啲女仔M到時都好似冇咩感覺,但每個人身體狀況都唔同,唔少女仔M到時都會痛到行唔到,甚至係暈低!對男士而言,當然唔會明究竟係點嘅痛先會搞到咁誇張,不過家下有醫生出聲,話其實經痛同心臟病發一樣咁痛,就算唔係人人知心臟病發有幾痛都好,睇電視都見唔少心臟病發鏡頭,個角色痛到乸埋口面暈喺地下,估都估到有幾痛啦下話?


倫敦大學學院的生殖健康教授John Guillebaud就話,經痛痛起上嚟就同「心臟病發作一樣」,佢仲補充,呢個領域之所以長期被人忽視咁少人研究,係因為男人唔會經痛。而目前唯止,最好嘅經痛解決方法就係服用Ibuprofen止痛藥,如果情況再嚴重啲,就要用到非處方類鎮痛藥劑。基本上如果你女朋友經痛嘅情況真係去到「心臟病發作一樣」嘅程度,畀佢飲暖嘢食朱古力都冇咩用,最直接方法就係睇醫生啪粒藥紓緩一下。

台灣有一名恐怖人妻,因為想喝珍珠奶茶,但老公不買給她,竟然把自己反鎖洗手間內,要生要死,最後勞師動眾,驚動警察上門調停……
thezone
珍奶人妻
23 Sep 2018
若果你嘅愛情有呢啲癥狀,記住九叔嘅說話。
girls
好心一早放開佢 有毒愛情的八大特徵
23 Sep 2018