{ SKIP }
文:MenClub 魏文青  
POSTED ON 05 Aug 2018
或者係受到AV嘅「教育」,或者係因為禁忌為人帶來快感,又或者係因為眼看女伴口角有啲白色嘢令男人覺得征服咗佢,反正男人們必須承認,我哋心底裏總希望做愛之時能夠久唔久、試一試,在女方的口內「播種」。但現實中有幾多個女仔接受此舉大家心知肚明,而最經常聽到嘅拒絕原因,就係「你啲子孫好難食」!OK,既然係咁,男仔咪搵方法為子孫調味,而其中一個「都市傳說」,就係食菠蘿能夠令子孫味道變得「清甜」,咁究竟又係咪真嘅呢?
要知菠蘿有冇用,首先你要知道點解啲子孫難食;而要知道點解難食,你就要首先知道佢嘅成份係咩。大家現時理解嘅「子孫」,準確啲黎講係「精液」,絕大部份係來自精囊、前列腺等附屬腺體嘅分泌物,其中只有小於1%先係你真正嘅「子孫(精子)」。而呢堆分泌係為咗保護精子於偏酸性嘅女性陰道中「力爭上游」而存在,含有多種鹼性胺類,所以係偏鹼性(即係pH值偏高)。而如果你有試過唔小心食過番鹼,你就知鹼性嘢係苦嘅!換言之精液本身就係苦嘅,所以咪難食囉!一切嘅謎底已經解開啦!
咁係咪冇得救呢?非也!說到底精液都係人體嘅分泌物,同汗、口水等一樣,都會受到你進食嘅食物影響——你近排食得咖哩多,咪會有咖哩味囉!所以的而且確能夠透過改變飲食黎為子孫調味。而菠蘿本身偏酸,大量進食會減低分泌物嘅鹼性,從而減少苦味;而菠蘿嘅水份亦會令精液中嘅水份增多,即係將味道稀釋,同樣有助改善味道。所以其實唔止菠蘿,進食酸性水果例如檸檬、紅莓都有同樣效果。
另外含有豐富果糖嘅食物亦能令子孫變得更甜,例如奇異果、藍莓、桃等等都有用;薄荷、小麥草、肉桂等就會令精液味道更清新。反之,咖啡因、煙草、酒精等會令苦味增加;紅肉、奶製品、朱古力、菠菜、蘆筍等就會令精液變鹹、味道變重。
所以,如果你想減低令女伴以口承戴子孫嘅抗拒,或者應該要改變一下你自己嘅飲食習慣。不過要注意嘅係改變過程可能需要幾日甚至幾個星期,而且效果唔一定非常顯著,所以唔好諗住一陣去買罐菠蘿黎食就可以立竿見影。之於你問點樣可以確保子孫味道真係有改善?或者、可能、如果你自己唔介意,可能要試下味啦。
食開日清杯麵嘅大家,相信都對杯麵入面嗰堆唔知係咩肉、唔知點整、但口感同味道都頗為特別嘅「謎肉」非常熟悉,甚至有人係為咗食「謎肉」所以先買日清杯麵黎食。如果你都對「謎肉」情有獨鍾嘅話,咁你就好彩啦,因為 ...
thezone
【日本】日清推單獨發售「謎肉放題」 乾啃亦可
28 Mar 2024
日本採用三學期制,所以學年嘅最後一個學期會於3月完結,換言之依家呢個時間就係學生們畢業嘅季節,當中當然有已經年紀輕輕就已經出道嘅寫真女星。好似今晚要為大家介紹嘅呢位「矢野ななか」咁,就係應屆高中畢業生 ...
girls
【深夜】剛剛高中畢業!LEVEL不同的「矢野ななか」
27 Mar 2024