{ SKIP }
文:MenClub 魏文青  
POSTED ON 19 Aug 2018
OK,大家都係男人,呢到又得你同我,大家打開心窗說亮話:男人就係會睇AV架啦?好正常呀係咪?但正常還正常,好多人又認為「睇AV」係導致男性有勃起功能障礙(Erectile Dysfunction, 簡稱ED)嘅一大原因,簡單啲就係「睇AV有害身體」!咁究竟呢種可能係最普遍嘅男人興趣,又係咪真係會影響你嘅閨房之樂呢?

根據外國網站Men's Health詢問過多位性研究家,得出嘅結論係「無證據顯示睇AV同勃起功能障礙有關」。係咪放心哂呢?

點解冇關呢?主要黎講係根據呢個呢個研究,發現睇AV其實同ED冇關,其中一個研究更加指出你睇得越多「Visual Sexual Stimuli(視覺上的性刺激,即係AV、J圖啦)」,你對於同類物品嘅(身體)反應會越大,與伴侶做愛嘅意慾亦會增強。其實又唔難明,即係大家都有睇美食節目,唔通我睇完會唔食嘢咩,唔會架嘛!越睇越肚餓架嘛!

咁又係咪代表大家以後都可以瘋狂睇AV呢?睇,的確係冇問題,真正嘅問題係在於「睇嘅時候你隻手做緊啲咩」。大家都知睇AV唔會淨係用黎睇,真正嘅目的從來都係自慰。而雖然「睇AV」的確唔會影響你嘅性能力,自慰就有可能會。正如黃子華於《色情家庭》中話齋,AV可以Fast Forward,幕幕高潮下下到肉火速了事,但真正嘅女仔係大電影,需要前戲鋪陳起承轉合,完事之後仲有意見調查售後服務,若果你慣咗Fast Forward,睇大電影時就可能會覺得太悶冇Feel(遲洩),又或者堅持唔到咁耐(早洩)。更甚者係若果你有特別的打飛機技巧,正常性愛可能無法提供同樣嘅刺激,結果導致你冇法勃起——冇錯,即係勃起功能障礙啦!

咁若然你真係懷疑睇AV(同打飛機)令你失去性趣,咁又可以點做?首先請你去睇醫生,主要係排除其他可能導致勃起功能障礙嘅原因(肥胖、心臟問題等)。如果真係因為睇AV(同打飛機)而影響你同伴侶嘅性生活,專家建議你戒J一星期,等身體再次渴求性刺激,到床上時就會更易感到興奮。簡單啲黎講,睇AV、打飛機只係零食,若果食零食食到影響正餐,咁好明顯你就要調節一下自己嘅生活作息啦。
Men's Health
食開日清杯麵嘅大家,相信都對杯麵入面嗰堆唔知係咩肉、唔知點整、但口感同味道都頗為特別嘅「謎肉」非常熟悉,甚至有人係為咗食「謎肉」所以先買日清杯麵黎食。如果你都對「謎肉」情有獨鍾嘅話,咁你就好彩啦,因為 ...
thezone
【日本】日清推單獨發售「謎肉放題」 乾啃亦可
28 Mar 2024
日本採用三學期制,所以學年嘅最後一個學期會於3月完結,換言之依家呢個時間就係學生們畢業嘅季節,當中當然有已經年紀輕輕就已經出道嘅寫真女星。好似今晚要為大家介紹嘅呢位「矢野ななか」咁,就係應屆高中畢業生 ...
girls
【深夜】剛剛高中畢業!LEVEL不同的「矢野ななか」
27 Mar 2024