{ SKIP }
文:MenClub Raphael  圖:互聯網
POSTED ON 03 Aug 2017

麥味香濃的麒麟一番搾,舊年在香港舉行夏日祭典,獲得廣泛好評,所以今年再來添食!喂,坦白講,三十幾度的高溫,走在人多擠迫的街頭,沒有一杯冰涼的啤酒降降溫,真係人都癲。我勸各位巴打一齊去「日本啤酒園KIRIN ICHIBAN GARDEN 2017」,時間為今日起至9月3日,尖沙咀Mira Place中庭舉行,「吃‧喝‧玩‧樂」應有盡有,吸引度極高。

既然得「吃‧喝‧玩‧樂」,當然有經典的麒麟Frozen Beer加精緻的日式小食!麒麟的特色是玩不同口味,如果之前有Follow MenClub去銅鑼灣的Sowelu就會試過不少,於這次酒啤酒園中,大會特選血橙、菠蘿、奇異果口味,配獨有的零下5度啤酒泡沫,達到真正消暑之效。不過新口味多是滿足好奇心,以我個人意見,還是原味麒麟一番搾最好飲,起碼沒有一陣奇怪的甜味。

黑啤燴牛肋條(無骨)

 黑啤煙燻香辣北海道豚肉腸

食物方面,日式佐酒小食少不了,除了日式燒汁雞軟骨、三文魚乾、牛肋條、黑啤豚肉腸,比較特別的有啤酒雜莓啫喱、啤酒爆珠,讓你玩得過癮,但這兩款為不定期限量供應,想試的朋友可能要靠一靠運氣!

啤酒雜莓啫喱

胡麻番茄沙律

玩樂的話,有個日本許願神社給大家打卡,還有日式的許願板繪馬,另外每逢周五至周日,多位新進歌手、唱作人均會作現場表演。不過計我話,最應該去的是每周六麒麟一番搾工作坊,由日本麒麟啤酒專業釀酒師教你認識啤酒,讓你試試「一番搾」與「二番搾」的分別,試過你就知點解麒麟如此堅持一番搾。


都係嗰句,葡萄園由 DBR 負責管理,配合得天獨厚嘅地理環境,就算係強國製,我都係願意試的
watchesandwine
【China Lafite】世界首隻中國製 Lafite 將於 2018 年登場?!
20 Oct 2017
半邊盤面逆跳設計,有個性之餘,仲好貼近跑車儀錶板嘅感覺,男士見到真係毫無抵抗力!
watchesandwine
【男士恩物】BVLGARI Octo Retro Maserati GranSport、GranLusso
20 Oct 2017